Produçom audiovisual entre a RTP e a TVG elimina por completo o galego

“Chegar a casa” é umha nova série de 20 episódios que já se está a emitir às noites das quartas-feiras na televisom pública portuguesa. A coproduçom entre a RTP e a TVG, que ainda nom foi emitida na televisom galega, elimina qualquer traço da língua e cultura própria da Galiza.

As colaborações para elaborar produtos audiovisuais entre a televisom portuguesa e a galega vêm acontecendo após a assinatura dum convénio em 2013, com mais potencialidade a partir do enquadramento da lei Paz Andrade e que já tivo outras propostas anteriores como O sabor das Margaridas ou Vidago Palace.

A história é protagonizada por um casal separado, a mulher e as crianças moram em Arcos de Valdevez, no Portugal minhoto, e o homem, com a sua namorada, em Compostela. A surpresa vem com a questom idiomática: as personagens portuguesas falam português, mas todas as personagens galegas falam castelhano, sem nenhuma condiçom particular para isto, no mínimo até o episódio 8, dos 20 em total de que consta a série.

Ainda, mesmo as crianças morando em Portugal trocam para o castelhano ao falarem com o pai, galego que viveria em Compostela, e até a namorada deste -também galega- assinala a falta de entendimento linguístico ao atravessar o Minho (episódio 3). Umha situaçom que, para além de nom promover o idioma próprio, uma das premissas fundacionais da TVG, nem sequer é verossímil, assinalando um desentendimento que nom se dá.

Fórom já várias as pessoas galegas que, seguidoras da série, ficárom alarmadas polo tratamento linguístico e denunciárom a eliminaçom do galego numa produçom em que a TVG e, portanto, a Xunta da Galiza, deveria ter tomado medidas para evitar essa falta de respeito contra as galegas e galegos.

Já foi apresentada queixa na Linha do Galego d´A Mesa pola Normalización Liguística. Porém, disponibilizamos os contatos da RTP, TVG e Secretaria Geral de Política Linguística para quem quixer contatar diretamente.

https://media.rtp.pt/empresa/contactos/contact-center/ e telefone 210 486 402

info@crtvg.es e telefone 981 540 640

sxpl.secretaria@xunta.gal e telefone 881 996 302

 

Publicado por Portal Galego da Língua a 7 de novembro de 2021

Website | Outros artigos deste autor >

Portal Galego da Língua é o sítio na rede que tenta informar acerca da atualidade da língua na Galiza.

É promovido pola Associaçom Galega da Língua (AGAL), umha associaçom sem ánimo lucrativo, legalmente constituída em 1981, que visa a plena normalizaçom do Galego-Português da Galiza e a sua reintegraçom no ámbito lingüístico a que historicamente pertence: o galego-luso-brasileiro.

O Galego-Português, na Galiza denominado Galego e internacionalmente conhecido como Português, é a língua própria de Galiza, Portugal e Brasil, sendo também língua oficial em Angola, Moçambique, Cabo Verde, Guiné Bissau, São Tomé e Príncipe, Timor Lorosae… comunidade lingüística internacional conhecida como Lusofonia (também Galegofonia ou Galego-Lusofonia).

pgl.gal

Deixe uma resposta

O seu endereço de email não será publicado. Campos obrigatórios marcados com *

Artigos Relacionados
Skip to content