O livro, editado em 2014, distribuiu 1000 exemplares e dado estar praticamente esgotado hoje a Através Editora disponibiliza em aberto.
A estratégia reintegracionista, ou luso-brasileira, trabalha sobre a base de a Galiza, Portugal e o Brasil compartilharem a mesma língua, conhecida na Galiza como galego e internacionalmente como português. Guia-nos o convencimento de ser a melhor estratégia para a nossa língua e para os seus
falantes na Galiza, aumentando o seu bem-estar.
Sobre esta base criou-se um movimento social muito abrangente que, baseado nos postulados da filosofia reintegracionista, trabalha pola regeneraçom da língua da Galiza.
Este livro é umha adaptaçom da Wiki-faq do reintegracionismo da Associaçom Galega da Língua, a qual pretende fornecer informaçons teóricas e práticas sobre o reintegracionismo, tanto sobre a filosofia como sobre o movimento social. Embora a wiki seja um produto da AGAL, prestando portanto umha especial atençom a esta organizaçom, o seu objetivo é dar umha visom geral sobre o reintegracionismo.
Portal Galego da Língua é o sítio na rede que tenta informar acerca da atualidade da língua na Galiza.
É promovido pola Associaçom Galega da Língua (AGAL), umha associaçom sem ánimo lucrativo, legalmente constituída em 1981, que visa a plena normalizaçom do Galego-Português da Galiza e a sua reintegraçom no ámbito lingüístico a que historicamente pertence: o galego-luso-brasileiro.
O Galego-Português, na Galiza denominado Galego e internacionalmente conhecido como Português, é a língua própria de Galiza, Portugal e Brasil, sendo também língua oficial em Angola, Moçambique, Cabo Verde, Guiné Bissau, São Tomé e Príncipe, Timor Lorosae… comunidade lingüística internacional conhecida como Lusofonia (também Galegofonia ou Galego-Lusofonia).
